İcbari sığorta nə vaxt ödənilmir? Sürücülər üçün vacib VİDEO

Azərbaycanda qeydə alınan yol-nəqliyyat hadisələrinin əksəriyyəti piyadaların iştirakı ilə baş verir. Ölkəmizdə baş verən belə qəzalar zamanı piyada və onun yaxınlarına qəzada günahkar olan avtomobilin icbari qaydada sığortalandığı şirkət tərəfindən ödəniş edilsə də, bunun edilmədiyi bir sıra məqamlar da var. Bəs bunlar hansılardı?

Yeri gəlmişkən, bu ilin ilk 6 ayı ərzində Azərbaycanda baş verən yol qəzaların 38 %-i piyadavurmaların payına düşür. Belə qəzalarda 143 nəfər ölüb, 313 nəfər xəsarət alıb. Bu hadisələrin bir hissəsi sürücülərin səhvi, bir hissəsi isə piyadaların diqqətsizliyi səbəbindən baş verir. Bu vəziyyətdə "Piyadanın günahı ucbatından baş vermiş qəza zamanı ona və yaxud ailəsinə icbari sığorta şirkəti tərəfindən ödəniş edilməlidirmi?" sualını gündəmə gətirir.

Sürücünün və yaxud piyadanın günahkar olmasını isə məhkəmə aydınlaşdırır. Mübahisəli məsələlər zamanı isə ödəniş məhz məhkəminin qərarına əsasən həyata keçirilir. İcbari sığorta tərəfindən ödənilən maksimum məbləğ isə 50 min manatdır. Yəni 10 müxtəlif şəxsə ziyan dəyəndə hər bir şəxsə 5 min manat olmaqla ödəniş edilir. Zərərçəkənin ölümü halında isə ödəniş onun qanuni varislərinə olunur. Sığorta şirkəti tərəfindən ödəniş yekun sənəd təqdim edildikdən sonrakı 7 gün ərzində edilməlidir.