Krediti olanlar bu xəbərə mütləq baxsın - VİDEO

Kredit faizlərinin artırılması, komisyon haqların gizlədilməsi, cərimə faizləri və s... Bunlar banklarla bağlı şikayətlərin bir neçəsidir. Mərkəzi Bank bu və digər hallarla mübarizə məqsədilə yeni layihəyə start verib.

İsveçrənin İqtisadi Məsələlər üzrə Dövlət Katibliyi və Dünya Bankı ilə əməkdaşlıq çərçivəsində bir sıra standartlar hazırlanacaq, bank xidmətlərindən istifadə edənlərin mənafeyini qorumaq üçün hüquqi baza təkmilləşdiriləcək.

Yeni sistem ilk növbədə şəffaflığı təmin edəcək. Layihədə həmçinin vətəndaşların şikayət, ərizə və təkliflərinə yeni mexanizmlə baxılması nəzərdə tutulur.

Məsulliyyətli kreditləşmə siyasəti çərçivəsində isə istehlakçılara gəlirlərinə uyğun məhsulların təqdim olunması nəzərdə tutulur. Yeni layihə çərçivəsində banklar üçün nümunəvi davranış kodeksi də hazırlanıb. Artıq bank işçiləri həmin normalar çərçivəsində müştərilərlə münasibətlərini tənzimləməlidirlər.