Parkinq mədəniyyətindən xəbərsiz sürücülərin FOTOLARI

Avtosfer.az-ın əməkdaşı aprelin 19-da, axşam saatlarında Yasamal rayonu ərazisindəki Cavid parkının ətrafında avtomobillərin dayanma-durma qaydaları ilə bağlı müşahidələr aparıb. Müşahidələr zamanı məlum olub ki, bəzi sürücülərin ümumiyyətlə, parketmə mədəniyyətindən və qaydalarından xəbəri yoxdur. Bəziləri isə maşını harada və necə gəldi saxlamaqla özlərini başqalarından fərqləndirməyə çalışırlar. Məsələn, piyada keçidinin üstündə park edən sürücülərin fotoları və nömrələri aydın görünür. Baxın, belə sürücülərin ya qaydalardan xəbəri yoxdur, ya da nəsə ciddi problemləri var. Yoxsa, piyada keçidinin üzərində maşını saxlamazdan əvvəl düşünərdilər ki, piyadaların uçmağa qanadı yoxdur. Zebra xətləri də yeni çəkilib və bunu görməmək də mümkün deyil. Əgər onlar o boyda xətləri də görmürlərsə, o zaman maşını necə sürürlər? Maraqlıdır ki, bu maşınlar belə yerlərdə park edilərkən parkomatlara nəzarət edən XTAİ-nin əməkdaşları onlara heç nə demir. DYP əməkdaşları isə bu maşınların yanından keçib getsələr də, deyəsən, fikir vermirlər.

Həmin avtomobillərin nömrə nişanlarını və markalarını təqdim edirik:

90 -- 337 – «Mersedes»,

90 -- 725 – «Mersedes»,

10 -- 146 – «Hyundai»,

90 -- 799 – «Dodge»

Elməddin