Piyada keçidlərində əlillərin üzləşdiyi problem çözülmür - VİDEO

Paytaxtda piyada keçidlərinin bəzilərində fiziki qüsurlu insanların keçiddən rahat istifadə etməsi üçün imkanlar yaradılıb. Ancaq buna baxmayaraq həmin keçidlərə quraşdırılan və əlillər üçün nəzərdə tutulan elavatorlar işləmir. Bu da keçiddən istifadə etmək istəyən fiziki qüsürlu insanlara böyük çətinliklər yaradır.

Əlil arabasında olan şəxs yeraltı piyada keçidinə yaxınlaşır. O, fiziki qüsurlu şəxslərin rahat düşüb çıxması üçün keçidə quraşdırılan elavatordan istifadə etməyə çalışır. Ancaq cəhdləri nəticəsiz qalır.

Müsahibimiz deyir ki, bu vasitələrin olub istifadə edilə bilməməsi onlara iki qat pis təsir edir

Bənzər hal Bakıda bir çox yerüstü və yeraltı keçidlərdə də özünü göstərir. Əlillər öz güclərinə bu vasitələrdən istifadə edə bilmir.

Beynəlxalq standartlarda keçidlərdə quraşdırılan bu pantusların əslində mailliliyi 11 dərəcə olmalıdır. Ancaq çəkiliş apardığımız bu keçiddəki pantusun mailliliyi 45-65 dərəcə arasında dəyişir. Əlillər isə inşaat mühəndislərinin layihə hazırlayarkən onları da nəzərə almasını arzulayır.