Sərnişin dolu avtobuslar YDM-ə girir - TƏHLÜKƏ

Paytaxda bəzi marşurut avtobuslarının sərnişinlə dolu yanacaqdoldurma məntəqələrinə daxil olduğu barədə dəfələrlə sujet təqdim etmişik. Ancaq, buna baxmayaraq bəzi sürücülər sərnişinlərin həyatını təhlükəyə atmqada davam edirlər. Növbəti belə marşurt avtobusu isə sərnişinlərin iddia etdikləri 155 saylı marşurt avtobusudur.

Avtobusun içərisində sərnişinlər var. Buna baxmayaraq sürücü avtobusu yanacaqdoldurma məntəqəsinə sürüb və benzin alır. Görüntülər 155 saylı marşurt avtobusundandır. Sərnişinlərdən birinin çəkdiyi kadrlarda sürücü qaydaları pozur və onların həyatını sözün əsl mənasında təhlükəyə atır.

Sərnişinlər isə sürücünün pozduğu qaydaya görə heç səslərini də çıxarmırlar. Sosial şəbəkələrdə yayılan kadrlara görə 155 saylı marşurtun dəstə rəisi İlham Əhmədovla əlaqə saxladıq. O, məsəldən xəbərsiz olduğunu dedi.

İnzibati xətalar məcəlləsində ümumi istifadə də olan nəqliyyat vasitələrinin sərnişinlərlə dolu ikən yanacaqdoldurma məntəqəsinə daxil olmasına görə, sürücülərlər barəsində 60 manat və 3 cərimə balı tətbiq edilir. Ancaq yol polisləri xəbər tutsa. Əks halda sürücüləri bu hərəkətdən çəkindirmək ya yanacandoldurma məntəqəsinin əməkdaşlarına ya da sərnişinlərə qalır.