Sürücülərin nəzərinə! DİQQƏT!

Avtosfer.az-ın daimi izləyiciləri, əziz dostlar! Son iki gündə Azərbaycanda iki sürücünün sükan arxasında ürək tutmasından – infarktdan ölməsi barədə məlumat yaymışıq. Hadisələrdən biri Lənkəranda qeydə alınıb. Sürücü ürəyinin ağrıdığını hiss edən kimi maşını kənara çəkərək saxlayıb və elə oradaca dünyasını dəyişib. Bakının Qaradağ rayonunda isə maşın gedə-gedə sürücü keçinib və başqa bir maşınla toqquşma baş verib.

Dostlar, hər biriniz bizim üçün dəyərlisiniz. Məsləhət görərdik ki, sükan arxasında gərginlikdən uzaq olun.

Əsəbi, gərgin və yorğun halda sükan arxasına keçməyin. Özünüzü və ətrafdakıları da düşünün. Özünüz də bilmədən başqlarının həyatına son qoya bilərsiniz.

Əsəbi gərgin olanlar, ürəyində problem yaşayanlar uzun yolçuluq səfərlərinə çıxmasınlar. Çıxarkən belə ən azı 1 saatdan bir fasilə verilməlidir.

İsti hava şəraitində kondisioneri olmayan avtomobillərdə pəncərələri tam bağlayıb hərəkət etməyin!

Diqqətli olun! Özünüzü və ətrafdakıları düşünün!

Avtosfer.az