Xəstəlik mənbəyi olan avtobuslar - VİDEO

Şəhərdaxili və paytaxtətrafı kənd və qəsəbələrə hərəkət edən marşrut avtobuslarındakı natəmizliklə bağlı dəfələrlə məlumat vermişik. Ancaq təəssüflər olsun ki, vəziyyət dəyişmir. Üstəlik, natəmizliklə bağlı sərnişinlər sürücüləri, sürücülər də sərnişinləri günahlandırırlar. Aidiyyatı qurumlar isə susur.

Tozdan oturacaq və tutacaqların rəngi dəyişib. Bir çox oturacağın çexolu cırılıb, yer də palçıqlıdır. İndi paytaxtdakı bəzi marşrut avtobuslarında bu mənzərəni görmək mümkündür.

Sürücülər isə avtobuslardakı bu anti-sanitar vəziyyəti sərnişinlərin səhlankırlığı ilə əlaqələndirirlər.

Məsələyə Nəqliyyat Nazirliyindən münasibət öyrənmək istəsək də, cəhdlərimiz uğursuzluqla nəticələndi. Ancaq yəqin ki, cavabdeh şəxslər bu problemi gördülər. Ümid edirik ki, həlli üçün də müvafiq addımlar atarlar.