Qəbələnin bir hissəsi qazsız qalıb - SƏBƏB

Qəbələ şəhərinin Sura Kərimova küçəsinin qaz təchizatında müvəqqəti fasilə yaranıb. Avtosfer.az xəbər verir ki, bu barədə "Azəriqaz" İstehsalat Birliyi məlumat yayıb. Məlumata görə, küçədən keçən, diametri 108 mm olan qaz xəttində qaz sızması aşkarlanıb. Bununla əlaqədar, bu gün saat 10:15-dən həmin küçənin qaz kəsilib. Təmir-bərpa işləri başa çatdıqdan sonra abonentlərin qaz təchizatı bərpa olunacaq.